ឆ្នាំ២០១៥នគរបាលជាតិបង្ក្រាបបទល្មើសគ្រឿងញៀនជាង២.០០០ករណីឃាត់ខ្លួនជាង៥.០០០នាក់
18-May-2016 | ដោយ មែន កំសត់
ភ្នំពេញ៖ អគ្គស្នងការនគរបាលជាតិបានអះអាងថា ឆ្នាំ២០១៥កន្លងមកនេះនគរបាលជាតិកម្ពុជាបានបង្ក្រាបបទល្មើសគ្រឿងញៀន បានជាងពីរពាន់ករណី ដោយឃាត់ខ្លួនបានចំនួនជាង៥.០០០នាក់ ផ្តន្ទាទោសក្នុងនោះមានជនបរទេសជាង១០០នាក់និងដកហូតគ្រឿងញៀនបានជិត ១០០គីឡូក្រាម។
ការអះអាងរបស់ឯកឧត្តមនាយឧត្តមសេនីយ៍ នេត សាវឿនអគ្គស្នងការនគរបាលជាតិត្រូវបានធ្វើឡើងខណៈពេលដែលលោកបានអញ្ជើញ ចូលរួមនៅក្នុងពិធីមីទ្ទិញអបអរសាទរខួបអនុស្សាវរីយ៍លើកទី៧១ ថ្ងៃកំណើតនគរបាលជាតិកម្ពុជា១៦ ឧសភា ១៩៥៤-១៦ ឧសភា ២០១៦កាលពីព្រឹកថ្ងៃទី១៦ ខែឧសភា ឆ្នាំ២០១៦កន្លងមកនេះ នៅទីស្តីការក្រសួងមហាផ្ទៃ។
ឯកឧត្តមនាយឧត្តមសេនីយ៍ នេត សាវឿនបានមានប្រសាសន៍ថាក្នុងឆ្នាំ២០១៥នគរបាលជាតិកម្ពុជាបានបន្ត ប្រមូលផ្តុំអនុវត្តភារកិច្ចស្នូលរបស់ខ្លួនក្នុងការរក្សាសន្តិសុខ សង្គម ធ្វើឲ្យបទល្មើស បន្តថយចុះមកនៅចំនួន២.៧០៩លើក ស្មើនឹង៤ភាគរយប្រៀបធៀបទៅនឹងឆ្នាំ២០១៤គឺមាន២.៨១៤ លើក និងបានចាត់វិធានការបង្ក្រាបបណ្តាករណីល្មើសកើតឡើងទទួលបានលទ្ធផល ខ្ពស់រហូត ដល់៧៩ភាគរយដោយបង្ក្រាបចំនួន២.១៤១ករណី ឃាត់ជនល្មើសចំនួន៣.០៥១នាក់ ស្រាវជ្រាវ បង្ក្រាបបទ ល្មើសចាស់បាន២៦២ករណីឃាត់ខ្លួន៣៦២នាក់និងស្វែងរកចាប់តាមដីកា បានចំនួន៤៩៥នាក់៕
ចំនួនអ្នកទស្សនា
- ថ្ងៃនេះ3671
- ម្សិលមិញ4001
- សប្តាហ៍នេះ21261
- ខែនេះ215861
- ឆ្នាំនេះ215861
- សរុប20658317